الادمان

العالم كل يوم بيبان قد إيه هو كبير ومليان تفاصيل. ومع التطور المذهل اللي بنمر بيه دلوقت، أعتقد شيء مش منطقي إننا نكون لسه حاصرين انواع الادمان في ادمان الاعشاب والكحوليات بس. بشجعك تكمل معانا باقي المقاله لأن هتلاقي أنواع كتير من الإدمان قريبة منك. ولما تعرف ده هتقدر تأخد بالك منها وتتفاداها.. أو تتعافى منها لو كانت تعباك.

في الأول تعالى نشوف يعني أيه إدمان ؟

تعريف الإدمان

 .” هو حالة عضوية أو نفسية بتنشاً من تفاعل ” المادة التي يتم إدمانها ” مع جسم الإنسان، وتجعله معتمد عليها بشكل أساسي لتحقيق توازنه “

يعني شعور جسدي أو شعور نفسي أنا بحسه لما بأخد المادة اللي أنا محتاجها. ولحد هنا مفيش مشكلة قوي، الأزمة الكبيرة لما بحس بتوتر نتيجة غياب الشىء دة أو أحس بأني مش قادر أكمل يومي أو عملي الطبيعي لمجرد غياب المادة اللي أنا محتاجها. دة لأني بكون شايف إن فيها قيمتي وبترجع ليا ثقتي في نفسي  ( فكأني ببقى عبد للي أنا عاوزه ومش قادر أسيبه ).

وتلاقي الشخص المدمن بيقول كدا: مقدرش أسيب فلان أو الحاجة دي، لأن دة الشيء الوحيد اللي بحس أني مبسوط وعايش وأنا بعمله- معاه.

والكتاب المقدس كان واضح جداً في كلامه عن أي شيء يأسرني أو يخليني عبد ليه. بولس الرسول بيقول في رسالته الأولى لأهل كورنثوس ” كل الأشياء تحل لي ولكن ليس كل الأشياء توافق. كل الأشياء تحل لي لكن لا يتسلط عليّ شيء ” ( كو 12:6).

انواع الادمان

وكلامنا هنا مش هيكون عن إدمان الكحوليات والأعشاب اللي وارد ناس تحس إنها خاصة بمجموعة معينة.وإنه أكيد أنا كشخص روحي وابن لله بعيد كل البعد عن الشر دة. الحقيقة احنا هنتكلم عن انواع ادمانات منتشرة جداً وأوقات كمان العالم بيعظمها ويشوفها ذات قيمة.

زي مثلاً إدمان العمل : تلاقي الشخص قاعد في شغله 16 ساعة. وشاعر أنه كدا رائع ولازم الواحد يتفانى في عمله . لكن هل ده صحي ؟! هل دة مريح ؟!!

وقيس على كدا بقى إدمانات كتيرة جداً. في منها اللي اتربينا عليه وفكرنا إنه صح، وفي اللي من تعبنا إلتجأنا إليه. لكن في كل الأحوال تظل الحرية كنز لا يفنى.

فأسعى إنك تلاقي حريتك واتحرر من إدمانات زي:

إدمان ال ( طعام – موبايل – أفلام الإباحية – عمل – جنس – قمار– ألعاب الإلكترونية – علاقات العاطفية ) وغيرها كتير.

هنتكلم عن كل واحده فيهم بشيء من التفصيل قدام شوية.

اكتشف نفسك

أول حاجة محتاج تعملها إنك تبدأ تنظم يومك وتتابع انت بتقضي وقتك في إيه؟

يلا نبدأ في التدريب دة مع بعض

جرب تنفذ التدريب دة لمدة أسبوع وممكن تخلي حد يتابعك مرشدك الروحي مثلاً، أو حد أنت عارف أنه هيساعدك، وتابعنا علشان هنتكلم عن  باقي انواع الادمان بالتفصيل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

اشترك معنا