ادمان الطعام

محتاجين قبل ما نتعمق في موضوعنا ” ادمان الطعام ” نفهم فكر ربنا في مسأله الأكل دي. في البداية لما الله خلق أدم وحواء في جنة عدن قالهم كدا ” من جميع شجر الجنة تأكل وأما شجرة معرفة الخير والشر التي في وسط الجنة فلا تأكل منها “ كان في تحديد 

وبعد ما تعدوا الوصية كان الله سامح ليهم ياكلوا من خيرات الأرض يعني فاكهة وخضار مش لحوم لحد فترة طويلة.

كمان عندنا أمثلة كتيرة جداً لناس صامت زي أهل نينوى وصوم الشعب أيام أستير ويوئيل وعزرا ونحميا، حتى ربنا يسوع نفسه كان ليه قصد في إن تكون أحد تجاربه على الجبل هي تجربة الجوع وردة المبهر جداً عى إبليس لما قال ” ليس بالخبز وحده يحيَا الإنسان بل بكل كلمة تخرج من فم الله “

ما احنا طول عمرنا بناكل وعادي يعني

كمان شخصيات كتيرة جدا مؤثرة في المجتمعات كان ليها وقفات واضحة مع الأكل. وحددوا لنفسهم منهج وأسلوب يتعاملوا بيه مع الأكل، أشهرهم على سبيل المثال لا الحصر ” المهاتما غاندي“. وكأن الصوم سلاحه

والسؤال اللي بيطرح نفسه هنا، هو الموضوع خطير للدرجادي ؟! ما احنا طول عمرنا بناكل وعادي يعني.

هو صحيح عادي. بس عادي لأننا مفحصناش الأمر مش أكتر. فمثلاً على المستوى الصحي، هتلاقي إن في أكلات معينة بتحفز أمراض مزمنة في الجسم زي مرض السكر والسمنة وأمراض القلب والسرطانات.

الدكتور رايموند فرانسيس ليه جملة مشهورة جدا بيقول ” امنع السكر 42 يوماً … تموت الخلايا المسرطنة “

وألف كتب كتير بيحكي فيها عن إدمانات الأكل وازاي نتغلب عليها. جدير بالذكر إن الطبيب ده مر بتجربة مرضية شديدة في عامه ال 45 وكانت حالته ميئوس منها. لكن، بإتباع عادات غذائية سليمة. عمره دلوقت 75 سنة ولم يمرض بأي مرض خلال آخر 15 سنة في حياته، إلا دور زكام ولمرة واحده فقط !!

اعراض ادمان الطعام

صعب جداً تاخد بالك من اعراض ادمان الطعام لو أنت عادي. بمعنى جسمك لا هو نحيف ولا هو سمين، وإن كان دة مش بينفي وجود المرض.

ناس كتير لما بتبقى فرحانة أو زعلانة جداً بتاكل أو بتمتنع عن الأكل. ودة اللي بيفسر إن اعراض الادمان للطعام بتقدر تترجمها بشكل سلوكي أكتر. هوضحلك.. تخيل كدا أنت مكتئب ومتضايق وحاولت تعبر عن مشاعرك مع حد، لكن للأسف خذلك أو وصلك مشاعر بالرفض أو عدم الفهم، فأنت اتجرحت جداً. هنا غالباً الشخص بيلجأ لحل من الحلول دي :

إنه يلجأ لنوع من أنواع الإدمانات المختلفة، زي مثلاً السجاير والخمور والأعشاب. بس بيرجع يفكر إن دة عيب وحرام ومعظم المجتمعات بتوصم المدمنين بأوصاف سيئة. فيتراجع عن الفكرة لأنه مش عاوز يخسر الناس.

إنه يكتر جداً من الأكل ويبقى كل ما إنفعاله بيزيد بيحتاج يأكل أو يقلل أكل أكتر – حسب طريقة مواجهته للمشكلة – ودة من منطلق إن مستحيل الشوكلاتة مثلاً لما يجي ياكلها تقول له ” هو أنت ليه دايماً كئيب كدا ؟!” أو حتى ترفضه زي ما ناس بترفضه. لكن على العكس هياكلها وهيستمتع وهيوصل لجسده شعور أنه أفضل حتى لو المشكلة متحلتش.

إنه ينام كتير جداً. في ناس بتنام بالأيام متواصل علشان مش قادرة تواجه أو تتغلب على المشكلة، ولانها مش قادرة تحتمل كم الألم الرهيب اللي هي بتعانيه. بس بتصحي برضة وتلاقي الأزمة مازالت قائمة فبتتوصل إن دة مش حل.

واعراض الادمان هتلاقيها تاني كتير في ادمان العمل الجنس الأفلام الإباحية  والألعاب الإلكترونية، حتى إنه في إدمانات بتكون في العلاقات نفسها والاعتمادية الشديدة اللي فيها.

تدريبات للتحرر من ادمان الطعام

في بداية المقالة لما اتكلمنا عن الصوم مكنش الهدف منه يكون مدخل تشويقي، على قد ما هو فعلاً حل للنوع ده من الإدمانات وفي تدريب هيساعدك في المشكلة دي متكون من نقطتين.

 الأولى :  عبارة عن منهج سلوكي . والتانية : تندرج تحت منهج ضبط النفس.

تعالوا مثلاً نتخيل حدوث موقف تعبنا وإزاي ممكن نتفاعل معاه بدل ما نكتمه ونتجاهله، أو نسيء التصرف فنضايق أكتر.

اقرا اكتر عن التعامل مع الافكار

 وهكذا باستمرارية فهمي لمشاعري وأنا حاسس بإيه دة بيريحني ومع الوقت مش بتجه لإدمانات علشان أهرب من الوجع. زي بالظبط ما داود قال في المزمور ” لماذا أنت منحنية يا نفسي ولماذا تأنين فيَا.. ترجي الله فأني بعد أطلبه خلاص وجهي هو إلهي “

الطريقة الثانية عبارة عن منهج روحي بسيط ممكن نمارسة في أوقات الصيام أو حتى طول السنة. ولأننا بنصدق إن أي تعلق في حياتنا مش بنقدر بس بقوتنا وطاقتنا نخرج منه لكن بعناية ربنا ومعونته.

فتعالوا نبدأ نحارب الأكل بالأكل !! هتلاقي انفوجرافيك موضح فيه طرق تساعد للتعامل بشكل صحي مع الاكل. شوفهم وشوف أيه أنسب اختيار ليك فيهم وابدأ في تنفيذه بعد موافقه مرشدك الروحي ومتابعته ليك .