“فيليو” تعرف يعني ايه ؟

تعرف ان في انواع الحب ؟

دكتور أوسم وصفي في كتابه القلب الواعي كتب عن
انواع الحب : وهي الحب الرومانسي ، حب الجسد ، حب العيلة و من ضمنهم كان في حب الصداقة “( فيليو)” اللي قال عنه ,

حب الصداقة “( فيليو) من انواع الحب

انواع الحب


“هو الحب اللي بيخلي اتنين يعرفوا يتكلموا مع بعض,
ويفهموا بعض، ويقضوا مع بعض أوقات لطيفة.
السبب في كده هو إنهم بيفكروا زي بعض وليهم اهتمامات وآراء متشابهة في الحياة.
إن كان ابيثوميا هو حب الجسد، وإيروس هو حب القلب، فيليو هو حب الدماغ.”

ايه اللي بيحفظ متانة الصداقة ويزودها ؟

مرة زمان دخلت مع صديقتي مكانا المفضل و قاعدنا علي الترابيزة اللي متعودين عليها اللي بتشيل فردين، كنت مضايقة و قاعدنا اتكلمنا كتير و كانت اول مرة حد من اصدقائي يقولي تعالي نصلي مع بعض .. وقتها رجعت مرتاحة و مبسوطة .

صديقتي كلمتني بعد ما رجعت و قالت لي مش ملاحظة حاجة في الترابيزة اللي كنا قاعدين عليها قولتلها لا قالتلي مش ملاحظة ان دي نفس الترابيزة اللي بنقعد عليها دايما بس النهاردة كان في كرسي تالت مش في مكانه المعتاد ..

ايه هو الكرسي التالت ؟

من ضمن أنواع الحب الخمسه اللي بيتكلم عنهم كتاب “القلب الواعي” غير حب الجسد و الحب الرومانسي و حب العيلة و حب الصداقة هو الحب ” الغير مشروط “
قال عنه “ان يحب الاتنين بعض في الله” و كل ما يقرب الانسان من الله كل ما يقدر يحب اللي قدامه حب غير مشروط .

كل ما هيكون في كرسي تالت في قعدتك انت و صديقك ..كل ما حب الصداقة اللي بينكم هيقرب من الحب الغير مشروط .

تفتكر الكرسي التالت ده ممكن يكون ايه ؟

ممكن : صلاة مع صديقك أو صلاة من اجل صديقك أو انك تقدم مساعدة و مساندة في وقت صعب
كمان هيساعد قوي الاستماع من غير احكام و قبول من غير شروط و ده مش معني الموافقة علي الخطأ ، بالاضافة إلى دعم مستمر و تشجيع
جرّب كلمة حلوة ، اكله بيحبها أو ممكن رسالة قبل ما ينام تفرحه ، وياسلام لو حضن في وقت شدة .. قراءه كلمة الله مع بعض
.تقدير و عدم استهانة بمشاعره ، تواجد و حب

تدريب :

أخيراً بشجعك متنساش المرة اللي جايه لما تقعد مع صديقك يكون في كرسي تالت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

إشترك معنا