مش مجرد كلمات ” الكتاب المقدس “

كلمات ابعد من كونها مجموعة حروف

هنتكلم النهاردة عن موضوع يمكن يكون بالنسبالك للوهلة الاولى عادي أو سمعنا عنه كتير.  بس في مواضيع في حياتنا مينفعش تبقى موضه ونبطل نتكلم عنها أو نفكر بعض بيها كل شوية . في المقال دا هنتكلم عن كلمة الله “الكتاب المقدس”.  في البداية أحب افكرك بشوية حاجات عن الكتاب المقدس، يعني إيه مصطلح “كلمة الله” ؟.

يعني إيه مصطلح “كلمة الله

كلمة الله في المسيحية تتميز بشكل وطريقة مختلفة . فلم يكتب الكتاب المقدس من شخص واحد أو عن طريق الاملاء . ولكن كُتب من 40 شخص تقريبا على مدار فترة زمنية طويلة ومتباعده . ولكن في محورة وسرده تشعر وكأنه كتاب واحد. لانه بالطبع كان من اشرف على كتابته هو الروح القدس على مدار العصور والازمنه والثقافات المختلفه .

وخد بالك من النقطه دي ان كان في مسافات طويله اوووووي مابين كتابة بعض الاسفار وبعضها . كلمة الله مش قصص ومش تاريخ ومش معلومات علمية أو خارقة للطبيعة . و سرد المعجزات الي فيها كان هدفه مش استعراض قوى على قد ما هو اعلان الله عن نفسه عن من هو الله والانسان قصة الحب والعشق الالهي…

كلمة الله والحياة”اهمية كلمة الله” الكتاب المقدس

ان كنت غير مهتم بإقامة علاقة حقيقية عميقة حميمة مع الله فلا داعي من بذل الجهد في قراءة الكتاب ودراسته.

1. الكتاب المقدس مليان بأعلان الله عن نفسه. اللي هيخليك واقف على ارض صلبة مش محمولين بكل ريح تعليم .كأننا اتعلمنا نسمع عن الله مش نسمع منه ، ومفيش احسن من كلمته نعرف بنفسنا عنه. ادخل في حوار مع الله

“كَيْ لاَ نَكُونَ فِي مَا بَعْدُ أَطْفَالًا مُضْطَرِبِينَ وَمَحْمُولِينَ بِكُلِّ رِيحِ تَعْلِيمٍ، بِحِيلَةِ النَّاسِ، بِمَكْرٍ إِلَى مَكِيدَةِ الضَّلاَلِ.” أف 4 : 14.

2. كلمة ربنا هتخليك مش متحير في صوت ربنا.

” خِرَافِي تَسْمَعُ صَوْتِي، وَأَنَا أَعْرِفُهَا فَتَتْبَعُنِي.” يو 10: 27 .

3. كلمة ربنا بتخلينا نفرق ما بين مفاهيم العالم للكلمات ومفاهيم ربنا عن الكلمات دي . زي مثلا “الرجاء،الصبر،الالم،الموت،المال،الفرح،المحبة….” كل الكلمات دي مفاهيمها في العالم مشوهه ومحتاجين ناخد مفاهيمها الصح من ربنا….. “فكل من يسمع اقوالي هذه ويعمل بها اشبهه برجل عاقل بنى بيته على الصخر” (انجيل متّى 7: 24).

4. في قرائتنا لكلمة الله ندرك من نحن. نرى انفسنا على حقيقتها ودون خجل.  وهنا العظمة “اننا نرى انفسنا بلا خجل” لا الله لا يريد لنا الخزي او المذله وفي ذات الوقت يبكت ضمئرنا ويقودها .

5. الكتاب ليس مجرد تعويزه نرددها في الاخطار والازمات او حتى لكي تحمينا من الشرور والمخاطر . لكن فهم كلمة الله هي الحماية الاكثر صلابه فقد ياتي الخطر ولكن فهم كلمة الله تجعلنا نستقبل كل هذة المخاطر بسلام وثبات وفهم. اعرف حقوقك في الكتاب المقدس اقرا مقالة اعرف حقك واتمسك به

“وَالْفَاهِمُونَ يَضِيئُونَ كَضِيَاءِ الْجَلَدِ، وَالَّذِينَ رَدُّوا كَثِيرِينَ إِلَى الْبِرِّ كَالْكَوَاكِبِ إِلَى أَبَدِ الدُّهُورِ.” دا 12: 3.

6. قراءة وفهم كلمة الله ستساعدك أن تري أبعادا مختلفة للخطيئة واغراءاتها، حتي يمكنك التعلم من الأخرين وأخطاءهم بدلا من أن ترتكب أخطاء بنفسك. والخبرة معلم قدير والذكي من يتعلم من قصص غيره، ولكن الخطيئة معلم قاس.

لذا فمن الأفضل التعلم من أخطاء الأخرين. وهناك شخصيات كتابية متعددة يمكن التعلم منهم، سواء بصورة ايجابية أو سلبية وفي بعض الأحيان من نفس الشخص في مختلف مراحل حياته. فعلي سبيل المثال، هزيمة داوود لجليات الجبار تعلمنا أن الله أقوي من أي عدو أو خطر يطلب منا أن نواجهه (صموئيل الأولي 17)..

7. هو اصدق واقوى سلاح فعال للحرب الروحية التي نحن بالفعل متواجدين فيها سواء وافقنا او رفضنا .

“مُنتَعِلينَ بِالحماسَةِ في إعلانِ بِشارَةِ السّلامِ. واَحمِلوا الإيمانَ تُرسًا في كُلّ وقتٍ، لأنّ بِه تَقدِرونَ أنْ تُطفِئوا جميعَ سِهامِ الشّرّيرِ المُشتَعِلَةِ.”

رسالة أفسس 6:15 ‭-‬16 المشتركة‬‬‬‬‬

الكتاب المقدس

 شوية حاجات ممكن تساعدك لو حبيت تبدأ في معرفة الكلمه

1. أبدأ الان.

2. حدد وقت ومكان محدد.

3. ألتزم بالقرأة اليومية حتى لو تعبان او مش هتكمل الاصحاح.

4. مش لازم تكون مشاعرك ملتهبة ومشتعلة وانت رايح تقرأ.

5. ابدا بكمية قليلة وزود الوقت بالتدريج.

6. خلي في رقيب عليك يطمن انك كل يوم قريت ويشجعك.

7. استخدم ترجمات تانية.

8. متعقدش الامور وتصعبها على نفسك كلمة الله مفهومه وواضحه ولو وقفت حاجة معاك اسأل.

9. لو فوت يوم عادي متحبطش وكمل.

10. اصنع لك سفر تذكرة مكتوب “اكتب كل ما تكلمت به كلمة الله لك”.

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

إشترك معنا