المال شر ولا خير

المال شر ولا خير .. حيرة كتير بنقع فيها وأوقات بنقول خير نشكر ربنا واوقات تانية لا شر ده طمع . تعالوا نفكر سوا

أصل كل الشرور

“لأن محبة المال أصل لكل الشرور (1 تي 6: 10).

يا ترى فعلا المال شر وأصل الشرور كمان ؟؟

قبل ما تكمل قراءة المقالة اكتبلنا في كومنت ايه فكرتك عن المال ؟

الحقيقة ان الكتاب المقدس مش بيقول ان المال هو أصل الشرور لكن محبة المال أصل كل الشرور.

وإنه يكون عندك رغبة في ممتلكات مادية مش بالضرورة تكون رغبة شريرة المشكلة بتيجي بقى لما نسمح للمال يكون هو محور حياتنا.

باقي الآية بقي بيقول ايه :

، الذي إذ ابتغاه قوم ضلوا عن الإيمان، وطعنوا أنفسهم بأوجاع كثيرة.”

الأوجاع والاحزان دي مش نتيجة وجود المال أو عدم وجوده ( زي رأي بعض الناس) لكن في الحقيقة  هي نتيجة حب المال.

لما يبقى المال و ازاي نحصل عليه بس هو القوة المحفزة كده لحياتنا ، وقتها نكون فعال جبنا لنفسنا التعب والأحزان. زي مثلا انه يؤثر على علاقتنا مع الناس أو الاسرة وضياع العلاقة الزوجية أحيانا .

مبدأ مهم جدا “ضعه في ذهنك” وهو 

“إن العلاقات أهم من الأغراض “

المال شر ولا خير
مبدأ مهم

ما تخليش المال يكون هو السيد لأن السيد هو اللي بيملي القرارات وخلي بالك من النتايج دايما.

“لا يقدر احد أن يخدم سيدين لأنه إما أن يبغض الواحد ويحب الآخر أو يلازم الواحد ويحتقر الآخر لا تقدرون أن تخدموا الله والمال” (مت 6: 24).

اسأل نفسك مين السيد؟

مؤسسة مشهورة ليها قول اعلاني كده بتقول ” يسعنا الحصول على كل شيء” 

لكن يا ترى ايه الثمن؟!

يعني هم بيقولوا نقدر نحصل على كل حاجة لكن يا ترى ايه الثمن اللي هيكلفهوني .

افتكر دايما المبدأ ده العلاقات أهم من الأغراض وخليه قدامك قبل قرارتك واختياراتك المهمة.

كتير من الأزواج اللي سافروا سابوا بيوتهم علشان الفلوس وخسروا علاقاتهم بأولادهم.

يحكي أحدهم: بعد 18 سنة وهو بيطلع سلم إحدى الشركات، قال صحيح نجحت بس ده كلفني جوازي وأولادي.

اتمنى انك تكون بتقرا المقالة دي وانت لسه مش متزوج .. ولو ده حقيقي فعلا اشجعك تطبق المبدأ ده في حياتك من دلوقتي.

 

الوسوم:

تعليقان على “ المال شر ولا خير ”

  1. بهاء عادل
    رد

    فكرتى عن المال
    هو انى لو بجرى وراة او بحبه وبفرح بيه فرح كبير ومتكل عليه وعاطيله مساحه كبيره فى حياتى وعندى شعور ان المال اهم شئ فى الحياه ده يبقى خطيه لأن كده انا بحب المال ومتكل عليه
    لكن لو قلبى مش معاه ومحبته غير موجده فى قلبى لو صرت ملياردير عادى المهم قلبى فى ايه مش رصيدي كام
    انا ممكن يكون مش معايا فلوس لكن قلبى بيحب المال دى خطيه
    وممكن ابقى معايا فلوس كتير ومش فارقه معايا
    المهم القلب هو الأساس

    1. Life in Christ
      رد

      أهلًا بحضرتك
      رجاء مراسلتنا على صندوق الرسائل
      https://m.me/LifeinChristtv

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

اشترك معنا