كبت المشاعر - كبت المشاعر بيعمل فيك إيه؟

ايه أهمية التعبير عن المشاعر ؟

قبل ما نتكلم عن كبت المشاعر ، اتكلمنا عن المشاعر واننا نعرف مشاعرنا ونوعى بيها ونسميها . ممكن تكون دلوقتي بتسأل إيه أهمية ان اعرف مشاعري والكلام ده .

الحقيقة انه مهم جدا لأننا لما نكبت مشاعرنا للأسف بيوصلنا حاجات كتير يمكن نكون مش عارفين ان ليها علاقة أصلا بالمشاعر لكن بنوصل لها …

هقولك هنا مجموعة من اعراض كبت المشاعر وده هيوضح لنا خطورة الموضوع

اعراض كبت المشاعر الانسانية

التحدث عن القضايا العامة بدلا من الحديث عن المشاعر أو الأمور الشخصية .
صعوبة التحدث عن نفسك .
العلاقات الشخصية المضطربة .
الافتقار إلى الطموح أو الدافع.
الكسل وعدم الاهتمام.
الاكتئاب بدون سبب واضح.
صعوبة تقبل نفسك أو الآخرين.
يضحك من الخارج بينما يبكي من الداخل.
الانفجار في حوادث تبدو بسيطة .
على المدى الطويل يؤدي إلى أمراض جسدية ونفسية .

*بعض الدراسات توضح زيادة مخاطر الوفاة بأمراض القلب لدى الكاتمين لمشاعرهم اقرأ من هنا

هقولك كمان مجموعة امثلة من الطرق اللي غالبا بنعملها علشان تتجنب الإحساس بمشاعرنا للرائعة MARY KURUS أعرفها ودقق فيها وراجع نفسك كل فترة لئلا نكون بنعمل حاجات منهم من غير إدراك.

أمثلة على الطرق التي يستخدمها الناس لتجنب الشعور بعواطفهم:

التظاهر كأن شيئا لم يكن .
الإفراط في الأكل .
الإفراط في تناول السكريات أو الدهون .
استخدام مهدئات في بعض الأحيان .
ممارسة أي نوع من أنواع السلوك القهري حتى وان كان الرياضة أو العمل .
الإفراط في ممارسة الجنس بشريك أو بدون .
تشغل نفسك دائما حتى لا يكون هناك وقت لتشعر أو تعرف شعورك .
التفكير والتحليل المستمر.
دفن المشاعر الغاضبة تحت شعار السلام .

* المصدر من موقع اجنبي لو حابب تقرا وتعرف اكتر اضغط هنا

بعد كل اللي عرفناه ده كبت المشاعر وتأثيره ، اعتقد يبقى مهم قوي قوي نعبر عن مشاعرنا ونتعلم نتعامل معها.

خطوة مهمة جدا في التعامل مع المشاعر وهي اننا نقبل

قبول المشاعر

الحقيقة اغلبنا وانا كمان مريت بده ، اني احس اني لو قبلت المشاعر معناه انها هتفضل على طول . وبما ان اوقات كتير بنتكلم عن المشاعر “المؤلمة ” فأنا مش عايز أصلا اعدي بيها وفاكر اني لو قلت هقبلها هاعمل مشكلة واعيش في الألم.

الحقيقة هي العكس تماما . لأنك كل ما بترفض المشاعر كل ما قوتها بتزيد.

في قانون المقاومة ” كل ما بتقاوم شيء يزداد” . وأي شيء انت تقاومه فترة من الزمن بيكون اقوي وليه سلطة عليك اكتر.

علشان كده اشجعك كن عطوفا مع نفسك و سيبها تمر. اقبلها علشان تعدي .