خطة الطوارئ

خطة الطوارئ والتعامل مع الضغط النفسي 

ازاي اتعامل مع الضغط النفسي ؟ كتير بنسأل نفسنا  السؤال ده والحقيقة اننا مش بنفتكره في أوقات ما احنا كويسين ( السلامة النفسية) بنفتكره بس في أوقات التعب والضغوط النفسية . علشان كده مقالتنا النهاردة هتساعدك تعمل خطة الطوارىء وهي خطة مهمة قوي !.. ليه؟ لأننا في الحقيقة لما بنمر بأوقات عصيبة في الحياة مش بنكون في الوقت ده  مؤهلين قوي اننا ناخد اختيارات في مصلحتنا أو تساعدنا، فأوقات بنسيب  نفسنا للأحداث والناس زي ما تحصل تحصل، أو يمكن منقدرش نقول” لا ” لبعض الناس المتعبين وعلشان كده فضروري يكون معانا خطة للطوارئ تكون جاهزة معك وتقدر في أي وقت أنك ترجع لها وتستخدمها .وتقدر في نهاية المقالة تحملها و تحتفظ بها وتكتب فيها اجاباتك الشخصية.

خطة الطوارئ : 

  • ماذا أفعل ؟
  • كيف أفكر ؟
  • ماذا أتجنب ؟

أولا ً : ماذا أفعل ؟ 

هنساعدك هنا بمجموعة أسئلة جاوب عليها علشان يكون عندك  قائمة جاهزة :

  • ايه بيساعدنى على الاسترخاء؟
  • اعمل ايه لما يكون مزاجي مش كويس؟ 
  • ممكن اقضي يومي في ايه ؟

    ( يمكن تبان أن  الأسئلة بسيطة ولكن بشجعك ماتستهونش بيها ، وجودها قدامك هيساعدك كثير )

ثانياً : كيف أفكر؟

كلنا في أوقات بنحتاج للمساعدة .. المهم انك تطلبها من الشخص الصح.

في الأوقات الصعبة يمكن منقدرش نفكر مين ممكن يساعدني ، أكتبها دلوقتي

اكتب هنا …

  • أسماء الأشخاص تقدر تتواصل معاهم لما تكون محتاج دعم ومساعدة 
  • أشخاص تقدر تتكلم معاهم علشان تشغل دماغك عن موضوع سيء 
  • فكِّر مين بيعرف يسمعك بشكل مريح وصحي وآمن  
  • مين تقدر تخرج معاه من البيت ويشجعك تعملوا حاجة لطيفة سوا 

ثالثاً : ماذا أتجنب ؟ 

أشخاص تبعد عنهم خاصة لما بتكون بتمر بأي صعوبات في حياتك ؟ ( أحيانا بيكون في حياتك أشخاص كلامهم مُتعب وعلشان كده حاول تبعد عنهم خاصة وأنت بتمر بأي وقت صعب )

أخيراً شارك الخطة بعد ماتكتبها مع واحد من أصحابك (فكّر مين من أصحابك ممكن تشاركه ويساعدك انه يقدر ده ووقت الضغط النفسي يفكرك بيها ) علشان يساعدك تفتكرها في أوقات الضغوط النفسية أو لما تحتاجها.

حملها دلوقتي تقدر كمان تطبعها وتجاوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

اشترك معنا