الجري نص الجدعنه

الجري نص الجدعنه؛

المثل دا مشهور قوي في مصر ” الجري نص الجدعنه ” انك لما تحس اني الخناقه اكبر منك اهرب. بس هو دا في الخناقات بس ولا عموماً في الحياة !!

طيب راجع كدا معايا كام مرة واجهة ؟ كام مرة عرفت تقول لاء برغم اني لاء دي ممكن يكون ورها حرب ، ايوة حرب افكار ومشاعر ومحاسبه ونتائج، نص مشاكلنا دلوقتي بيقيت في الاختباء في الهروب ، مش قادرين نقرر ودا لية علشان منتحملش المسئولية علشان منحسش بالذنب علشان نشتري دماغنا ، اشهر كلمه بقيت ترند وسط الشباب وخصوصا الرجال وهي عبارة “اشتري دماغك”؛

علشان كدا حبينا نساعدك…

4 خطوات تشتري بيهم دماغك

1. اهرب من اي مسئوليه حتى لو كانت المسئولية دي انك تغسل سنانك..

2. علق كل مشكلات على غيرك، ومتنساش تستخدم الكلمه السحريه “هما السبب”

3. نام كتير ومترهقش نفسك في التفكير خليها تيجي زي ما تيجي …

4. خليك مبدع في انك تحطط مبررات جديدة ..

 مبرووووك كسبت 3حاجات؛

1. هتفضل مكانك ومش بس كدا دا انت هترجع لورا

2. هتكون نموذج لناس كتير هتعمل زيك وغالبا القريبين منك يعني مثلا “ابنك،اخوك،صاحبك….”

3. مبروك جالك شوية امراض خفيفة كدا على حسب اجتهادك في النقاط السابقه…

من فضلك واجه،من فضلك متكسلش او تعمل مش شايف ، ثق في نفسك وثق في ربنا وحاول وادرب لأن وجع المحاولة أفضل بكتييييير من وجع الهروب ، الهروب عامل زي الي عرف اني عنده سرطان وقرر يكبر دماغه والنتيجة هتكون اني المرض اتملك من الجسم كله…

متكبرش دماغك،لكن نضفها…

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

إشترك معنا