الضغوط هتموتني

الضغوط النفسية

كتير بنمر في حياتنا ب الضغوط النفسية الخارجية وطبعا يختلف الأمر من شخص لآخر في طريقة تعاملنا مع نفسنا في  الوقت الحرج ده، علشان كده بيساعدنا كتير مش بس ازاي نتصرف قدام  الضغوط لكن الأهم الوقاية  . زي ما بيقولوا “ الوقاية أفضل من العلاج” .

 هنعرض هنا طريقة رعاية أنفسنا بشكل سليم علشان نقدر نعدي بسلام في أوقات الضغوط النفسية والظروف الصعبة.

هتلاقي مرفق في نهاية المقالة Infographic تقدر  تحمله مجانا وتحتفظ به على موبايلك أو جهازك أو تطبعه . 

كيفية رعاية أنفسنا:

• صحتك البدنية  : 

يمكن تفكر وتقول ايه علاقة الصحة البدنية بموضوع الضغوط النفسية لكن الحقيقة هو مؤثر جدا والاتنين مرتبطين قوي.

كتير نسمع عن أهمية ممارسة الرياضة بانتظام والأكل الصحي والكلام بتاع الصحة ، ولكن مش بنفذ أي حاجة من الكلام ده.  علشان كده خلينا نفكر في طرق البسيطة نقدر نعملها وتكون سهلة علشان نبدأ بها.

تمارين رياضية

كتير بنقول هنروح الجيم وبنقول بكل حماسة ايوة هروح طبعا يوميا . الحقيقة يا ما عملنا اشتراكات وفي الاخر مرحناش بيها.

فكر بطريقة تانية ، ممكن مثلا نبدأ بس بتمارين بسيطة جدا في المنزل. (عن تجربة له تأثير نفسي مفيد جدا مش بدنيا ً وبس )

الاسترخاء 

جرِّب الاسترخاء أنصحك بتجربته لو لسه مجربتوش ، فعلا مفيد على مستوى الصحة البدنية والنفسية. اختر مكان هاديء ، اقفل الموبايل وأي شاشات أجهزة  حواليك واستخدم  إضاءة هادية .  استمع إلى موسيقى بتحبها ، في كمان موسيقى مخصصة للاسترخاء . في موسيقى للصباح وللمساء مختلفة هاشاركك بالموسيقى اللي بحبها هنا تقدر تجربها وتقولي في كومنت اذا عجبتك أو لأ اكتبلنا رأيك .

موسيقى صباحية جميلة،  وأيضا للمساء والاسترخاء هنا بعض الموسيقى الهادئة .

• روحيا : 

لا تنسى أن تُغذي روحك، بس ارجوك ماتعملش الموضوع على سبيل الفروض أبداً. فكر ازاي تحب تبدأ وراسلنا لواحتجت أي مساعدة. هنا او علي صفحتنا على الرسائل الفيس بوك

• الاهتمام بالجانب الاجتماعي:

وسط ضغوط العمل ومشغوليات الحياة اللي بتسبب الضغوط النفسية الكتير متنساش أنك تقضي وقت لطيف مع أصحابك ووقت هادي مع عائلتك.

• رعاية نفسية : 

أشجعك أن يكون في وقت تهتم فيه بذاتك نفسيا..  مثلا من خلال:

•  قراءة كتاب محبب مفيد.
•  السفر او رحلة هيفيدك كتير .
•  الكتابة والتعبير عن المشاعر.
• التعبير عن المشاعر مع شخص آمن ( اقرأ واعرف من هم الأشخاص الآمنين).
• تعلم عن تقبل الذات .
• اقرأ من هنا وجهز خطة الطواريء

• الاهتمام بالجانب العاطفي :

ماذا أفعل أنا غير مرتبط؟ جملة سمعتها من كذا حد . احنا  بننسى أن الجانب العاطفي مش بس  بين شاب وشابه . لكن أحب أفكرك  أن الحب هو أصل الحياة، علشان كده أهتم بنفسك من هذا الاتجاه ..

عمليا :  ايوة اعمل ايه ؟ تقدر تهتم بعلاقاتك مع الاصدقاء المقربين، مش في خروجات لمجرد التغيير أو التظاهر ولكن مقابلات حقيقية وفيها تتلاقي القلوب  والفضفضة والضحك مع الاصحاب من القلب .ده بيساعد جدا على الإشباع اللي يحمي من الضغوط النفسية.