ونشوف سكتنا ونطمن

الرئيسية » الحياة » ونشوف سكتنا ونطمن
بتاريخ
ونشوف سكتنا ونطمن
Like
Like Love Haha Wow Sad Angry
41

أكيد اللي قال جملة العلم نور مكانش يقصد أن العلم لمبة أو كشاف!

أكيد اللي قال جملة العلم نور مكانش يقصد أن العلم لمبة أو كشاف، لكن شبه بالنور لأن النور بيكشف وبيوضح كل حاجة، فلما هتتعلم هتفهم وهتكتشف حاجات كتير مكنتش هتكتشفها بدون النور(العلم) ده. النور مهم في حياتنا علشان هواللي بيورينا السكة والطريق، من غير نور مش هنقدر نعيش ومن الحاجات المهمة اللي الله أهتم يخلقها بدري هي النور!

نور العالم

ولما المسيح قال عن نفسه برضه أنه نور العالم، مكانش بيشبه نفسه بلمبة أو شمس، لكن من خلاله العالم هيفهم وهيتنور، ومن خلال تعاليمه هنفهم ونكتشف حاجات كتير مستحيل نكتشفها وفعلا مش هنقدر نعيش من غيرها.

هتكتشف أن في حاجات بتعملها وأنت فاكر أنها عادي كل الناس بتعملها لكن دي شر، ولا تليق بتصرفات حد يعرف المسيح زي مثلا النميمه، الشتيمه، الخصام، اني أكون شايل من حد ومش عارف أتعامل معاه ببساطة ومش قادر أغفرله! مع ان الحاجات دي كلها تبان بسيطة وعادية، لكن المسيح حذّر منها، هتلاقي حاجات تاني أنت مش بتعملها والمفروض لو انت فعلاً مسيحي ومؤمن حقيقي لازم تعملها وده هيبان إزاي؟ هيبان لما تقعد قدامه وتفتح كتابه والنور ينور جواك، زي مثلا أني أقبل المختلف عني، أحب اللي غلط في حقي، أحب الخطاة والأشرار زي ما هو بيحبهم، وأنك تحب غيرك زي نفسك، وأنك متبصش على العيوب اللي في غيرك. الحاجات دي لو انت شايفها صعبة، الرب يسوع وعد إنه هيدي قوة للناس اللي عايزة تمشي معاه بجد وتتبعه من قلبها.. افتح قلبك لكلامه وهتكتشف نور عظيم جواك


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ