لاموني اللي غاروا مني!

الرئيسية » الحياة » لاموني اللي غاروا مني!
بتاريخ
لاموني اللي غاروا مني!
Like
Like Love Haha Wow Sad Angry
4

هل ينفع أشوف حاجة محدش غيري تاني شايفها!

خدوا عيني شوفوا بيها

بستغرب أوي من أغنية ” لاموني اللي غاروا مني “، لما سألوه ايه اللي عاجبه فيها؟ وكان رده بسيط..  خدوا عيني شوفوا بيها، يعني كل الناس اللي سألوه عُمي وهو بس اللي مفتح!!! ياترى هو بيعيب عليهم مثلاً أو بيرد رد مستفز علشان يسكتهم؟؟؟

الموضوع أعمق بكثير من مجرد نظرة سطحية على المظهر أو الشكل أو حتى الصفات الظاهرة سواء إيجابية أو سلبية، الحبيب شاف حبيبته بعين مختلفة عن كل اللي حواليه ، شافها خالية من العيوب، كانت في عينه أجمل الجميلات في الشكل والمظهر والصفات..

كلك جميل يا حبيبتي

طبعًا كلنا نتمنى أن حد يشوف فينا كل ما هو جميل ويحبنا زي ما أحنا وكأننا مفيناش عيوب بالرغم من وضوح عيوبنا لينا ولكل اللي حوالينا،هو ده الحب الراقي.. الحب الحقيقي، الحب اللي بيحرر بجد من العيوب، الحب ده متقدم ليك من حبيب حقيقي شايف كل اللي فيك جميل، شايفك بدون عيوب، شايفك مميز أوي، شايفك أجمل صنيعته، شايفك بعين مختلفه وبنظره مختلفه عن اللي حواليك شايفينك بيها، شايفك كمان بنظرة أفضل من اللي انت شايف نفسك بيها، هو ده حب الله الذي يقول دائما “كُلُّكِ جَمِيلٌ يَا حَبِيبَتِي لَيْسَ فِيكِ عَيْبَةٌ.” (نَشِيدُ ٱلْأَنْشَادِ ٤: ٧)


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ