الوقت بيجري

استثمار الوقت

و طرق عملية هتساعدك قوي :

1- الامتنان

افتكر لما تصحى من النوم أنك تشكر ربنا على بداية يوم جديد ..الامتنان في بداية اليوم هيساعدك جدا في استثمار الوقت لأنك بتبدأ يومك بداية حلوة هتساعدك تكمل صح.

تدريب عملي : أكتب قائمة صغيرة في المفكرة بتاعتك أو على الموبايل ب 3 حاجات تشكر ربنا عليهم بمجرد ما تصحى.  هتلاقي هنا صورة  تقدر تحملها وتخليها خلفية للموبايل (بنقدملك خلفيتين اختار اللي تعجبك اكتر هتفكرك  أول ما تصحى وتمسك الموبايل علشان تطفي المنبه مثلا أنك تشكر ربنا وبكده تبقى ابتديت يومك بأحلى حاجة في الدنيا هتجمل يومك وتحليه)

2- اصحى بدري

 

في الحقيقة مريت بسنين كتير من عمرى وانا متأكد جدا اني مش بحب الصحيان بدري إطلاقاً لكن دلوقتي أعشق الصبح وبشوف فيه بداية جديدة للحياة، فرصة جديدة من الله،  معجزة الصباح… جرّب أنك تصحى بدري واطلع وشوف الطبيعة والسماء حتى لو بتشوفها باستمرار أو بتنزل شغلك على طول .. لكن فكر تشوفها بنظرة مختلفة. هتشوف الطبيعة كلها تسبحه .”السماوات تحدث بمجد الله، والفلك يخبر بعمل يديه ” بيقولوا عن أغلب الناجحين عمليا زي أوبرا وينفري ، و الرئيس التنفيذي لشركة أبل  و ميشيل أوباما مثلا أنهم عندهم نظام للصحيان بدري دايما لأنه حقيقي بيساعد قوي في استثمار الوقت، بيحسسك انك عندك وقتك الحر شوية قبل دوامة الشغل.

3- الوقت الخاص وازاي ده بيأثر في استثمار الوقت

اقضِ وقت مع نفسك، أنت تستحقه. متنساش تعطي نفسك وقت خاص وسط كل مشغوليات الحياة. نفسك هي أحق حد بالوقت ده متبخلش على نفسك. الوقت اللي بتقضيه مع نفسك ده مش تضييع وقت بالعكس ده مثال عظيم على استثمار الوقت.

4- انتبه ..

بتضيع وقتك في إيه  (الملهيات)

حاول تفتكر بتقضي وقتك في ايه غالبا . أحد الشباب كان يحكي معي عن مشغولياته الكثيرة وضغط الشغل ولما سألته .. يا ترى بيقضي وقت على الفييسبوك؟  قال بالطبع ….. وقت قد إيه ؟  ..في البداية كان متخيل انه وقت قليل  يمكن مثلا 10 دقائق بس  ” لفه سريعة” على حد تعبيره ولكن استخدم أداة في إعدادات التنبيه و اكتشف انه بيقضى وقت بيزيد عن ساعتين ونصف يوميا. هو نفسه تفاجأ جدا. انتبه كويس بتقضي وقتك في إيه .. سوشيال ميديا – الموبايل – العاب الموبايل- التلفزيون You are, or will become what you listen to. أنا طبعا مش ضد الترفيه بالعكس لكن اختر اللي هتتفرج وحدد أنت الوقت. خليك انت اللي بتدير الأمور. ما تسمحش انك تسيب نفسك للحاجات دي هي اللي تستخدمك . جرًّب وهتشوف ان ده هيخليك تستمتع أكثر.

5- خطط

خطط ليومك، تقدر تخطط وتستخدم مفكرة صغيرة أو الكتابة على الموبايل وده ابليكشن بحب استخدمه وتقدر تكتب وتقسم المهام كمان مناسب جدا لأنه فيه اقسام To do list  . كل الحاجات دى يمكن تبان بسيطة لكنها حقيقي بتساعدك على استثمار الوقت وترتيب وتخطيط يومك ومهامك.

يمكنك تحميل  من هنا بجوده عالية واستخدامها لتذكرتك

 

 

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

إشترك معنا