هيقولوا عليَّ إيه !!

كلام الناس


يا ترى ضروري بالنسبة لك رضا الناس؟  قولنا رأيك ؟

سألنا مجموعة شباب  وكانت اجابتهم في البداية أكيد لأ .. لأ خالص

وبعد كده لما قعدنا نحكي اكتشفوا وقالوا انهم فعلا بيعملوا كده ..

كلام الناس

أوقات لما بيكون السؤال المباشر بالشكل ده بنفكر فيه منطقيا و هنختار لأ مش عايز اعمل كده، لكن في مواقف الحياة المختلفة الاختيار مش بيكون بالصراحة دي وكمان بنكون تحت ضغوط معتقدات المجتمع رسخها جوانا وللأسف هي اللي بتحركنا بدون وعي.

موضوع رضا الناس ده موضوع مُتعب لأن على رأي راجل كبير مرة قال الناس مش بترضى خالص. فعلا لو عشت عمرى كله أرضي الناس برضوا مش هيرضوا عليَ. ولو قولت هرضي ربنا وهرضي كل الناس الحياة هتبقى معقدة جدا.

لأنه جاء يوحنا لا يأكل ولا يشرب، فيقولون: فيه شيطان. جاء ابن الإنسان يأكل ويشرب، فيقولون: هوذا إنسان أكول وشريب خمر، محب للعشارين والخطاة. والحكمة تبررت من بنيها. مت 11: 18 – 19

 

  • ما تحاولش تهتم بالكل 

( انت انسان) وعلشان انسان فأنت محدود ووقتك محدود فاهتم بحدودك ومتنسهاش.

ما تقبلش تعيش تحت سيطرة فكرة ( هيقولوا عليَّ ايه )

فكرة هيقولوا عليًّ ايه .. بتخلي الانسان يعيش في سجن كلام الناس . ويبطل يكون حقيقته وكأنه ماشي لابس قناع. ماتسمحش للفكرة دي انها تسيطر عليك.

  • اتعلم تقول لأ بثقة 

كلام الناس

للأسف ” لأ ” كلمة واخدة سمعة سيئة! وكأن الشخص الحلو اللطيف الخدوم المحب لازم يقول ايوة دايما ويعمل وينفذ ومايقولش لأ أبدا 

الحقيقة أن كلمة ” لأ ” مهمة جدا حلو اننا نقولها بذوق بس ضرورى نقولها لما نبقى محتاجين نقولها. 

متنساش تعرف حدود ووقتك  واحتياجات بيتك وترتب أولوياتك قبل ما تقول ايوة على كل حاجة.

  • فكر في اللي يرضي ربنا مش كلام الناس

    ” رضا الناس غاية لا تُدرَك ” اهتم باللي يرضي ربنا مش الناس وفي نفس الوقت يكون في امكانك انك تعطيه ولو هتعطي أكتر يبقى من قلب راضي ومحب وباختيارك مش علشان الناس ترضي .. وقف وراجع نفسك وأسأل نفسك في كل موقف .. أنا هعمل ده ليه ؟

  • قدم بحب ومن قلبك على قد امكانياتك

لما بتكون فعلا متحرر من جواك من سيطرة كلام الناس ورضاهم عنك وقتها بتقدر تقدم بحب ومن قلبك ويمكن أكتر بكتير من اللي كنت بتعمله وحتى لو اقل المهم انه من قلبك.

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

إشترك معنا