معايا مصباح علاء الدين

مصباح علاء الدين .. تخيل بقى 

تخيل معايا  لو معاك مصباح علاء الدين … كنت هتتمنى ايه؟ … هات ورقة وقلم واكتب دلوقتي 

مافيش شيء مستحيل !

في مقولة في فيلم من إنتاج ديزني بتقول :” يمكننا أن نشب لنكون ما رغبنا في أن نُكوِّنه ، أياً كان ما ترغب في أن تكونه ،إذا ما كان لديك هدف ،فحاول أن تحققه بكل ما أوتيت من قوة ،كل شيء ممكن .” 

المقولة بتوضح لنا أننا نحاول نحقق أهدافنا وأننا نقدر فعلا نعمل ده، كل شيء ممكن.

خليك واقعي  :

في الحقيقة إن مصباح علاء الدين ما هو إلا أسطورة زي ما انت عارف طبعا . لكن اشجعك تسيب دماغك تسرح وتتخيل وتفكر براحتك وتتمنى ، وبعد كده نشوف الخطوة التانية وهي التنفيذ. 

يقول أنتوني روبينز:” تحتاج إلى رؤية كبيرة وخطة قابلة للتحقيق”.

مصباح علاء الدين - التخطيط للاهداف

اعرف قدراتك: 

للأسف في ناس كتير بيسيئوا  التقدير سواء بالتقدير الأعلى أو الأقل، وفي الحالتين الموضوع مش كويس ومش هيساعدك في التنفيذ والتطور. فمثلا لو بالغ واحد في تقدير ايه اللي يقدر يعمله خلال سنة ومحصلش .أكيد  سيصاب بالإحباط الشديد، والعكس بالعكس، فلو قلل جدا من توقعاته وقال على اللي يقدر يعمله خلال سنة واحدة إنه يحتاج 3 سنوات فالأمر ده هيكون مُعطَِل جدا ومحبط في النهاية” علشان كده حاول أنك تعرف قدراتك وتحط هدف فيه نوع من التحدي للاجتهاد.

اقبل محدوديتك : 

انت انسان محدود افتكر الحقيقة دي دايماً ، ماتشتغلش لوحدك تقدر تطلب ربنا الكلي القدرة.  وافتكر دايما وأنت بتشتغل سَلِم للرب كل عمل يديك.

لست فاشلا لأني لم أصل للكمال: 

كلنا لم نصل للكمال .احنا بشر و كونك لم تصل للكمال مش معناه خالص انك فاشل على الإطلاق، أشجعك أنك تلغي الكلمة دي من قاموسك وتبدأ تشتغل و تراجع وتقيِّم نفسك كل فترة ولكن استمر.

حاول دوما

ماتوقفش محاولة وخليك مجتهد. يقول الكتابالرخاوة لا تمسك صيدا، أما ثروة الإنسان الكريمة فهي الاجتهاد.”  أمثال 12: 27

هتلاقي الصورة تحت بمقاسات Wallpaper Desktop  تقدر تحملها وتحطها خلفية على الجهاز اللي بتدرس أو تشتغل عليه علشان تشجعك على الشغل

اتشجع وخليك مجتهد هتوصل 

لا تنسي الراحة:

في ناس بتعتبر الراحة .. مضيعة للوقت، أو أن العمل بس هو اللي ليه قيمة، طبعا أنا هنا مش بتكلم عن الكسل اللي فعلا بيعطل ولكن اتكلم عن الراحة بالشكل اللي محتاجه ،  فإذا كنت لا تعطي نفسك بعض الراحة اللي تحتاجها ( ستصاب بالتعب الجسدي والإرهاق النفسي )  وهنا عايزة أقولك مقولة أثرت في حياتي وكتبتها قدام مكتبي سنين جنب آية الاجتهاد علقت  مقولة تقول ” الراحة إنجاز! “   فالراحة لها دور كبير جدا في انجاز العمل، ليس هذا فقط بل هي نفسها انجاز فمن حقك على نفسك أنك ترتاح وقت كافي. وعن تجربة ده  هيساعدك أكثر على الإنجاز والاستمتاع في نفس الوقت.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ

إشترك معنا