صراع مدمن إباحية!!

الرئيسية » الحياة » الحياة اليومية » صراع مدمن إباحية!!
بتاريخ
صراع مدمن إباحية!!
Like
Like Love Haha Wow Sad Angry
31

حاسس أن حياتي بتنهار، كل حاجة بتضيع مني مراتي شغلي أصدقائي وقبل ده كله نَفسي!!!

 ”  اسمي ..  ” ب.ل، 28 سنة .. متزوج، حاسس أن حياتي بتنهار، كل حاجة بتضيع مني مراتي شغلي أصدقائي وقبل ده كله نفسي!!

حكايتي بدأت من ثانية كلية، رُحت أذاكر مع واحد صاحبي كان حاطط في أوضته صورة لعارضة أزياء مغرية جداً وأنا كنت عارف أنه ليه في الموضة واللبس والحاجات دي، والصور اللي حاططها فعلاً كلها حلوة بشكل غريب ، حاجة كده أنا مشوفتش زيها قبل كده، وبصراحة حبيت المذاكرة عنده، وعلاقتنا زادت ببعض الوقت ده، وطول الوقت كنت مركز في الصور اللي على الحيطة ومش بذاكر، ابتدى صاحبي ياخد باله ويتريق عليا، ولما سألته عن اسمها قالي ” ليه هي عجبتك ؟” من جوايا كنت مبسوط بصراحة وفضلت أدور على اسمها على الانترنت لغاية لما لاقيتها بس وأنا بدور لاقيت ليها زي اجزاء فيديو كده صغيرة هي متصورة فيهم بس للأسف مقدرتش افتحهم لأني مكُنتش لوحدي وكان في ناس حواليا! وقلت لما أروح البيت هتفرج عليهم وفعلاً عملت كده وابتدت رحلة العذاب من هنا..

في البداية كانت رحلة ممتعة لشاب في سني!

كانت في البداية رحلة ممتعة بالنسبة لشاب في سني، كنت كل ما اتفرج على فيلم بلاقي نفسي بشبع رغبة جوايا مش عارف إيه هي بس حاسس أني مبسوط ومستمتع وأني طاير في السماء وفجأة كده كنت بتخيل نفسي مع بطلة الفيلم ومرة بعد مرة بقيت بمارس العادة السرية علشان استمتع أكتر، مسبتش عارضة أزياء ليها فيديوهات وأفلام إباحية إلا واتفرجت عليها بعد ما كنت معرفش عنهم حاجة خالص، دخلت في الدائرة دي وحياتي بقت غريبة ومختلفة عن كل الفترة اللي فاتت، وللأسف فيه مواد سقطت فيها في الكلية، فلومت نفسي أوي على اللي حصل ده وخصوصاً أن مصاريف الجامعة كتير وأهلى كانوا بيدفعوها بالعافية وقلت أني كل ما أذاكر كويس هكافئ نفسي واتفرج على فيلم وده كان بيديني حافز اخلص اللي ورايا، وطبعاً كنت باخد السنة في سنتين، اتخرجت تقريبًا ٢٤ سنة ، وبعدها اشتغلت لكن مبطلتش اتفرج برضه والموضوع بقى صعب لأنه ابتدا يبان عليَّ، كنت ببص لزمايلي البنات في الشغل بصات مش محترمة باينة جداً، مكنش حد منهم بيحب يتعامل معايا، فقررت أتجوز، وقلت لما هتجوز أكيد هبطل اللي بعمله ده! وفعلًا اتجوزت من سنة، اتجوزت واحدة جميلة جداً بشهادة الكُل، بس مش بحس بأي اثارة من ناحيتها، بلاقي متعتي الحقيقية في الأفلام الإباحية، وابتديت اطلب منها أنها تتفرج معايا على الأفلام دي علشان أقدر احس بيها، لكن هي رفضت رفض تام وبعد شهر واحد من الجواز حياتي اتقلبت مشاكل وخناق علطول عصبي، بلوم مراتي وأنا عارف أن اللوم مش عليها، شكيت فيها مع أقرب اصحابي مع أنها ست محترمه جداً وبسبب شكي ده خسرت أقرب صديق ليَّ، وطبعًا مع كل المشاكل دي قصرت في شغلي واترفدت!!

نفسي أرجع زي زمان قبل ما أدخل في دايرة الإدمان

حاسس أن حياتي كلها بتبوظ أو باظت فعليًا، نفسي أرجع زي زمان لما كنت عايش مستمتع ونقي قبل ما أدخل في دايرة إدمان المواقع دي وأعيش مربوط بالطريقة دي، بس كل ما أقول هبطل مبقدرش، بحس أن في حاجة بتشدني، بالرغم من كل اللغبطة اللي حصلت في حياتي لكن مش قادر أبطل، حاسس أن الأفلام دي بقت جزء مني، نفسي أخلص منها بأي شكل..


3 تعليقات على “ صراع مدمن إباحية!! ”

  1. عصام
    رد

    والله انا تقريبا مثلك…. ولكن تذكر كلما اذنبت ذنبا امسحه بالعبادة…. فالحسنات يذهبن السيئات…
    انا زوجتي الان تقربت منها واصبحت مدنا لها هي ههههه…. انصحك بكثرة الدعاء و الصلاة وفعل الخيرات و ان تذهب الى زوجتك وتتحدث معها و تحكي لها كل شيء( اي اصل المشكلة) و اطلب منها المساعدة فهي اقرب الناس لك… و انشاءالله ستلين و تساعدك… وانا هنا ساحاول المساعدة… يمكنك مراسلتي في اي وقت انا من الجزائر… حظ موفق

  2. مينا
    رد

    انا تقريبا زى الحاله دى ومحتاج مساعده بجد ابطل الادمان الجنسى اعمل ايه

    1. engy
      رد

      اهلا بيك يا مينا ممكن تتواصل معانا من خلال الرسايل علىى صفحتنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ